यरूशलेम में खड़ा दासी ड़ा
नैणा में नीर बहावे है -2
यीसू छोड चलयो संग अपनो
कोई नजर नहीं आवे है।
1 धोखे सुबा ने दुष्टा पकड़ेयो
राजा आगे ले जावे है,
बड-चड गे वे दोष लगावे
जरा दया नही आवे है।
2 राजा पिलातुस चौंक गयो वो
पानी रो कलस मंगावे है,
धोया हाथ गन अपनो पानी सू
पाप सू मुक्त करावे है।
3 राजा पड़ियो आप फिकर में
यीसू ने सजा सुनावे है,
माननी बात पड़े अपनी प्रजा की
क्रूस गो हुकम सुनावे है।
4 ले कूरस यीसू चाल पड़यो
दुनिया में मातम छावे है,
छोटा-मोटा हर कोई रोवे
कुड़बाने धीर बंधावे है।
5 दुष्टा सबां ने क्रूस पर रेड़ेयो
हाथां में कील ठुकावे है,
देख बेटै को हाल बुरा
मा मरियम नीर बहावे है।
6 जगत पाप ने धोए यीसू सब
अमर नाम कुहावे है,
धन-धन रे इस वरगा बेटा
राजू शीस निवावे है।